Հավանե՛ք մեր էջը Facebook-ում և հետևեք մեր նորություններին
Buy online watch: buy online watch

Բրազիլական ազդրերի գաղտնիքը

Test Gallery

  Ինչքան ժամանակ եք դուք տրամադրում դիմահարդարմանը, վարսահարդարմանը, մատնահարդարմանը եվ հագուստի ընտրությանը: Իսկ ինչքան ժամանակ եք ծախսում նրա համար, որ ունենաք գեղեցիկ եվ գրավիչ ազդրեր: Եթե չգիտեք ինչպես պահպանել՝ տղամարդկանց կողմից այդքան գնահատվող մարմնի հատվածի գեղեցկությունը, խնդիր չէ. այս հոդվածում մենք կներկայացնենք ամենաարդյունավետ վարժությունների շարքը, որոնք կդարձնեն ձեր ազդրերն առաձգական եվ գրավիչ՝  գեղեցիկ ձեվ հաղորդելով դրանց:

 

 

Սեղանի թենիս խաղացեք

Առաջին հերթին պետք է իմանալ, որ ազդրերին իդեալական ձեվ հաղորդելու ամենաարդյունավետ միջոցը՝ սեղանի թենիս կամ պինգ-պոնգ խաղալն է: Այլ կերպ ասած պինգ-պոնգը լավագույն ֆիթնեսն է ձեր ազդրերի համար: Սեղանի թենիս խաղալն ավելի շատ ժամանակ կխլի, քան հատուկ վարժություններ կատարելը, բայց ձեր սպասելիքները շատ արագ կարդարանան եվ մի բան էլ ավելին:

Սեղանի թենիս խաղալիս, շարժման դինամիկան եվ արագությունը պարզապես իդեալական կառուցվածք են հաղորդում ազդրերին, գոտկային հատվածին եվ իրանին: Թենիս խաղալիս դուք մկաններ չեք աճեցնում, ինչպես սովորական վարժությունների ժամանակ, այլ մարզում եք դրանք՝ ձգելով վերեվ: Արյան շրջանառության լավացման շնորհիվ ձեր ազդրերը դառնում են առաձգական եվ հյութեղ, ինչպես դեղձը:

Բրազիլական բում-բում

Բրազիլացի տղամարդիկ միշտ գնահատել են մեծ եվ կլոր բում-բումը՝  այսպես նրանք անվանում են ազդրերը: Բրազիլուհիները բնականաբար փորձում են համապատասխանել իրենց տղամարդկանց ճաշակին: Պատահական չէ, որ բրազիլական ազդրերը համարվում են կանացի կլորությունների իդեալ: Հետեվյալ վարժությունները ցանկալի է կատարել առավոտյան, ծայրահեղ դեպքում` վաղ երեկոյան:

Նախավարժանք

Նախքան մկաններն աշխատացնելը կատարեք աքիլեսյան ջլի ձգումներ: Կքանստեք՝ ոտնաթաթերն ամբողջությամբ հատակին հենած, մարմնով առաջ թեքվեք, որ ձկնամկանները ձգվեն: Կարելի է կանգնել դռան շեմին կամ որոշ բարձրության վրա եվ կրունկներն իջեցնել ներքեվ՝ դեպի հատակը: Փորձեք մարմինն առաջ թեքել, որ ձգումն ավելի լավ կայանա:

Խորը կքանիստ դեպի առաջ

Կանգնեք ոտքերը միասին, ձեռքերը դրեք գոտկատեղին: Յուրաքանչյուր ոտքով խորը կքանիստ արեք դեպի առաջ՝  երեք անգամ կատարելով խորը ճոճումներ: Հետեվում մնացած ոտքը պետք է հենվի հատակին ամբողջությամբ, այլ ոչ թե թաթի վրա: Աստիճանաբար ավելացրեք կքանիստերի քանակը՝ հասցնելով  7-12 անգամի՝ յուրաքանչյուր ոտքի համար:

Աղեղ

Պառկեք փորի վրա՝ առաջ ձգելով թեվերը: Բարձրացրեք թեվերն ու մարմինը՝ ձեվավորելով աղեղ: Հետո իջեցրեք ձեռքերն ու բարձրացրեք միայն ոտքերը: Վարժությունը պետք է կրկնել 6-10 անգամ:

Ճկումներ

Կանգնեք ուղիղ՝ ոտքերը միասին, ձեռքերում ոչ ծանր մարզագնդեր(гантели):  Հետ տարեք աջ ոտքը, միաժամանակ բարձրացրեք ձեռքերը վեր եվ հետ ճկվեք: Վերադարձեք նախնական դիրքին: Այժմ հետ տարեք ձախ ոտքը: Վարժությունը կրկնեք 10-12 անգամ:

Առաջ  եվ հետ թեքումներ

 Ձախ ոտքը դրեք աթոռին, վերցրեք մարզագնդերը եվ իջեցրեք ձեռքերը մարմնի երկայնքով: Թեքվեք առաջ եվ մարզագնդերով հասեք հատակին: Կրկնեք 10-12  անգամ յուրաքանչյուր ոտքով:

***

Ոտքերը միասին, ձեռքերը մարզագնդերով՝ գոտկատեղին: Թեքվեք հետ, առանց ոտքերը ծալելու: Կրկնեք 12-15 անգամ:

Նապաստակ

Թաթերի վրա պարան թռեք՝ երկու ոտքով: Պահեք հավասարաչափ շնչառություն, շնչեք քթով: Թռեք 2-5 րոպե՝ աստիճանաբար ավելացնելով մարզման ժամանակը:

Հեծանիվ

Պառկեք մեջքի վրա, ձեռքերը պարզեք մարմնի երկայնքով:  Ոտքերը բարձրացրեք քառասունհինգ աստիճան եվ շարժեք՝ասես հեծանիվ եք քշում: Սրունքներն ուղիղ, շարժումները մաքսիմալ մեծ ամպլիտուդով: Կրկնեք հինգից տասն անգամ:

Նավակ

Պառկեք փորի վրա, ձեռքերը միացրեք մեջքի ետեվում, մատները կողպեք: Առանց ծնկները ծալելու բարձրացրեք ոտքերն ու ձեռքերը: Մարմինը պետք է նավակի տեսք ստանա, այս դիրքում մնացեք 10-30 վայրկյան:

| դիտումներ` 48831
Մեկնաբանություններ
Դուր եկավ կա՞յքը՝ սեղմեք
Ողջույն! X
Դուք դեռ չե՞ք հավանել մեր Fecebook-յան էջը:
Սեղմեք
և տեղեկացեք մեր վերջին նորությունների մասին